分享在 facebook
分享在 whatsapp
分享在 telegram
分享在 twitter
分享在 email

7大香港YOGA瑜珈課程+體驗班推介

踏入2022年,新一年新開始,又係時候建立番做運動嘅習慣,開始健康嘅新一年!瑜珈-近年嚟就成為咗唔少人嘅興趣,瑜珈好處多多,能夠改善血液循環,預防疾病,瑜珈種類五花八門,唔同種類嘅瑜珈亦能夠帶比身體唔同嘅好處,例如排毒減肥嘅「高溫瑜珈」,身心放鬆嘅「哈達瑜珈」,訓練核心肌肉群嘅「空中瑜珈」等,不論你平日有冇運動習慣,都可以因應著自己嘅需要選擇合適嘅瑜珈學習!坊間有不少瑜珈課程,今次小編就整理咗7大香港-瑜珈課程-推介,比初學瑜珈嘅你可以打開瑜珈之門!

1. 方便瑜珈課程推介:Enjoyce Yoga & Fitness

Enjoyce Yoga & Fitness 分店遍布港九新界,喺尖沙咀、太子、銅鑼灣、元朗、沙田、觀塘、荃灣、荔枝角,8個地方都有分店,無論去到邊都總有間喺附近!Enjoyce Yoga & Fitness提供5大系列課程:基礎瑜珈(Classic Yoga),伸展及放鬆(Stretch & Relax),健身(Fitness),功能性(Function & Fusion),養生(Wellness),多元化嘅瑜珈課程可以比初學瑜珈嘅你可以喺入面發掘到合適自己嘅瑜珈!包括有:空中瑜珈、哈達瑜珈、陰瑜珈、輪瑜珈等等。

***依家Enjoyce Yoga & Fitness提供全新會員試堂優惠,非繁忙時段嘅瑜珈班只係$55一堂!就算係上班一族想放工試個堂體驗下瑜珈,繁忙時段都只係$88一堂***

圖片來源:Enjoyce Yoga & Fitness

2. 入門瑜珈課程推介:ANGELLEEYOGA

ANGELLEEYOGA共有6間分店,分別於旺角、尖沙咀、荔枝角、觀塘、荃灣、石門,每月有超過1500堂瑜珈班,有超過10種唔同嘅瑜珈可以學,包括哈達瑜珈、輪瑜珈、香薰瑜珈等,其中最熱門嘅空中瑜珈更加有初級同進階兩個級別比你選擇,就算初學瑜珈嘅你都可以因應自己嘅程度選擇番課堂。鐘意向難度挑戰嘅話,ANGELLEEYOGA仲有香港比較少見嘅空中絲帶舞(Silk) 可以學!只利用兩條垂直的絹布支撐身體做出各種瑜珈動作。ANGELLEEYOGA 6間分店仲要各有唔同嘅特色,初學瑜珈都可以喺唔同特色嘅分店影番張打卡相呃like啦!

***鐘意影靚相打卡又想初嘗瑜珈嘅你可以留意下ANGELLEEYOGA嘅試堂優惠,香港少見嘅空中絲帶舞,或者空中瑜珈,或者空中吊環,都只係$168一堂,而地面瑜珈班更只係$128一堂***

圖片來源:ANGELLEEYOGA

3. 平價瑜珈課程推介:TriAngel Yoga

TriAngel Yoga分別喺尖沙咀、太子、荃灣、石門設有分店,雖然只有4間分店,但合共有13個課室,提供嘅瑜珈班都唔少!恆常每月有超過1800堂瑜珈班,課程亦主打多元化,有唔同種類嘅瑜珈課程,包括香港少見嘅瑜珈環、空中瑜珈、輪瑜珈,以及各類墊上瑜珈如哈達瑜珈、流瑜伽、瘦身瑜伽等。Triangle Yoga 的瑜珈課程價錢更是相宜,所有地面和空中瑜珈班2月試堂優惠$80一堂,二人同行更享一人半價,即平均一人只係$60堂,今次優惠包含所有時段同大類嘅瑜珈班,簡直十分之抵玩!

***Triangle Yoga 另一特別嘅地方就係佢哋更加設有兒童瑜珈班!亦有親子共用套票可以購買,享受特別嘅瑜珈Family Day,同小朋友一齊體驗瑜珈好處***

圖片來源:Triangle Yoga

4. 養生-瑜珈課程:Hotstone Yoga

除咗成日聽到嘅高溫瑜珈,近年亦興起同高溫瑜珈相似,同樣係喺高溫環境下進行嘅岩盤瑜珈。岩盤瑜珈源於日本,指嘅就係喺設有加熱嘅岩盤礦石嘅環境下進行嘅瑜珈運動,比高溫瑜珈更有助身體排毒,達到減肥瘦身兼養生嘅效果,更豐富瑜珈嘅好處。Hotstone Yoga 主要就係提供岩盤瑜珈課程,所有瑜珈班都係喺獨特嘅岩盤課室裏面進行,包括輪瑜珈、空中瑜珈等,課室經過岩盤石嘅加熱室溫維持約38度,岩盤石所帶出嘅遠紅外線同埋負離子更加可以紓緩肩頸痛,腰酸背痛等嘅痛症問題,令你爆汗、排毒、減肥冇難度!Hotstone Yoga喺全港總共有7間分店:中環、銅鑼灣、香港仔、佐敦、荃灣、沙田、觀塘,無論喺邊到番工都方便放工去上瑜珈班!但留意課堂只限女性報讀呀!

***依家Hotstone Yoga正進行緊體驗優惠,女性新客戶可以$𝟷𝟿𝟾試一項課堂***

圖片來源:Hotstone Yoga

5. 環保瑜珈課程推介:The Practice Studio

The Practice Studio係一間主張環保嘅精品瑜珈教室,課堂上用嘅瑜伽墊同瑜伽磚都係採用對環境友好嘅Arpi品牌,課室內亦有過濾水機可以比同學自備水樽飲用,鼓勵減少購買樽裝水!難得會喺小型瑜珈教室發現嘅淋浴間,喺The Practice Studio竟然有配置!淋浴間裏面更加有提供浴巾、沐浴用品、電風筒、髮箍、化妝綿及綿化棒,十分之方便,雖然The Practice Studio暫時只有中環同沙田兩間分店,但就算住得離教室比較遠,上完瑜珈班成身汗可以喺教室沖埋個涼先慢慢搭車番屋企都算唔錯!

The Practice Studio除咗有普通嘅瑜珈課程之外,特別地仲設有孕婦瑜珈班(Prenatal Yoga)比準媽媽參與,甚至可以同埋準爸爸一齊上堂, 同BB分享瑜珈嘅好處。

***想試下環保地學瑜珈嘅話,依家喺The Practice Studio試堂價錢為$156一堂***

圖片來源:The Practice Studio

6. 情侶-瑜珈課程:Metime Yoga

想同男朋友/女朋友一齊學瑜珈,一齊感受瑜珈好處,Metime Yoga嘅瑜珈班就好適合你喇!位於觀塘嘅Metime Yoga 不定期會舉辦各種瑜珈嘅情侶瑜珈班,包括空中瑜珈、空中吊環、伸展瑜珈,可以一齊睇下大家嘅合拍程度,培養大家嘅默契!Metime Yoga情侶瑜珈班嘅程度設為開放式,導師會因應學生嘅能力去教授唔同嘅瑜珈動作,由淺至深,初學瑜珈甚至冇學習瑜珈經驗嘅情侶都唔需要擔心,學瑜珈都可以影靚靚情侶相放閃!

有興趣想報名參加情侶瑜珈班可以留意住Metime Yoga Instagram嘅公佈,至於普通嘅小組瑜珈課程Metime Yoga亦有提供,2人成班,就算想同朋友一齊上瑜珈班都冇問題!

圖片來源:Metime Yoga

7. 新奇-瑜珈課程:Breatheasy SUP Yoga

嫌普通室內瑜珈唔夠特別?咁你一定要試下Breatheasy SUP Yoga嘅水上直立板瑜珈班!水上直立板瑜珈係將水上直立板和瑜珈結合,再加上大自然舒適的環境,我哋可以更加感受到瑜珈嘅好處,為身心帶嚟嘅舒適感。唔識游水定係初學瑜珈都唔緊要,瑜珈班係喺梅窩銀礦灣淺水區進行,亦有救生衣提供,安全十足!瑜珈班採用小班教學,8人一班,由專業瑜珈導師根據學員嘅程度同身體狀況帶領各種瑜珈動作,瑜珈班連預備、熱身、教學同自由活動打卡影相一共時長約3小時,課堂最後1小時為打卡影相時間,實唔怕唔夠時間影!瑜珈班亦都包埋淋浴間同更衣室可以用,夠曬方便!

***Breatheasy SUP Yoga水上直立板瑜珈班一堂價錢為$580一人,6人以上一齊組隊報名仲可以享有優惠價錢,有興趣嘅朋友記得mark低schedule去報名***

圖片來源:Breatheasy SUP Yoga

第五波疫情特別篇:網上-瑜珈課程-推介

受到第五波疫情影響,政府下令全港所有健身室都要關閉,大家都冇得出去上瑜珈班,而近期就有唔少瑜珈教室推出網上瑜珈班,等大家喺疫情之下留喺屋企嘅時候都可以繼續練習,有啲仲要係免費嘅㖭!就等小編精選幾個疫情期間嘅網上瑜珈課程話比大家知啦!

1. PURE Yoga

PURE網上平台PURECAST推出免費嘅線上直播課堂,每個星期都會有超過120場健身同埋瑜珈嘅直播同埋互動課堂,本身係PURE嘅同學仔只需要登入PURE360 應用程式就可以參加,就算唔係PURE嘅學生都冇問題!大家只需要喺PURECAST上登記,再下載PURE360 應用程式,同樣都可以參加到!PURECAST仲有5天重播功能,就算miss咗想上嘅瑜珈班都唔怕!睇多幾次重播練多幾次仲可以做靚啲瑜珈動作!


圖片來源:PURE Yoga

2. Yoga Senses

瑜珈教室Yoga Sense 提供免費嘅Zoom網上瑜珈班比大家參加,只需要喺Yoga Senses應用程式註冊成為會員,就可以喺Yoga Senses應用程式到取得Zoom網上瑜珈班嘅連結!每星期都有唔同嘅瑜珈導師教授各種墊上瑜珈,有興趣嘅話記得留意住Yoga Senses喺Instagram上嘅公佈喇!

圖片來源:Yoga Senses

3. Glassroom Studio

瑜珈教室Glassroom Studio喺疫情被停業期間亦有提供免費嘅Zoom網上瑜珈班比大家,有興趣嘅可以到Glassroom Studio嘅預約系統先登記後報名,報名成功就會喺系統內嘅「我的預約」見到Zoom網上瑜珈班嘅連結㗎喇!想知嚟緊有咩種類嘅網上瑜珈班記住留意住Glassroom Studio喺Instagram嘅公告!

圖片來源:Glassroom Studio

更多活動資訊

不要錯過最新資訊及優惠!

立即輸入您的Email,我們將第一時間通知您最新活動資訊,及限時優惠折扣!

分享在 facebook
分享在 whatsapp
分享在 telegram
分享在 linkedin
分享在 twitter
分享在 email
Platform

使用指南

無論是客戶還是商戶都能夠|輕鬆上手

Eventie 101

了解平台特色及價值|解鎖所有功能

上架服務

簡單、透明的服務計劃|可隨時轉換或取消

Eventie 商店

發掘獨特產品|查看限時折扣優惠

需要幫助?

立即聯絡我們!