貓奴必睇|5大貓貓好去處及活動推介

喺香港呢個城市,貓——係其中一種最受歡迎嘅寵物之一。就算因為種種原因養唔到,相信亦都有好多貓奴、愛貓人士。大大隻充滿靈性嘅眼晴,軟綿綿手感極佳嘅肉球。時而乖巧、時而百厭,間唔中喵兩聲引你注意,摸佢嘅時候又瞇哂對眼,真係可愛到爆!為咗一眾愛貓之人可以補充到貓貓能量,而貓奴可以帶主子周圍去玩下,今日介紹五大貓貓好去處同貓貓活動推介~

貓貓Café︱寵物友善酒店︱ 寵物共享公園/寵物野餐公園︱寵物工作坊︱貓貓藝術活動

【 貓貓好去處 ‧ 一 ︳貓貓Café/寵物友善餐廳 】

如果有留意開嘅愛貓人士應該都知道,香港其實有好多間貓貓 café。近年,亦都多左唔少寵物友善餐廳。以下幫大家簡單介紹下幾間貓貓 Café 同寵物友善餐廳,頭兩間推薦比無養貓嘅愛貓人士,其他就係推介各位貓奴帶埋貓貓一齊去。

貓貓Café ‧ 一 ︳貓之茶房

 

呢間貓貓Café主要係賣各式各樣嘅飲品,除咗有咖啡飲之外,仲有法式、中式同英式嘅茶同其他特飲。荃灣、尖沙咀同旺角都有分店,每間分店都有好多貓貓周圍走。

 

平日開放時間:1300 – 2230

收費:首小時 $60、次小時 $38

 

假期、公眾假期開放:1130 – 2230

收費:首小時 $70、次小時 $48

 

Menu 按此:點擊

更多資料:貓之茶房

貓貓Café ‧ 二 ︳阿貓地攤Cat Store

位於香港銅鑼灣富明街2號寶明大廈3樓D室,有齊哂主食、甜品同飲品,每款都幾有貓貓特色架,仲有幾隻可愛貓貓陪住你食。

 

開放時間:12:00 – 2100,最低消費一杯飲品

 

更多資料:阿貓地攤Cat Store

貓貓Café/寵物友善餐廳 ‧ 三 ︳Lazy Creatures 慵懶生物

 

餐廳位於九龍城太子道西379號家歡樓地下J舖,主打西式食物,有主食、輕食同甜品。雖然菜式唔多,但款式都幾多選擇同有特色。

 

開放時間:09:00 – 1800,星期一休息

 

Menu按此:Lazy Creatures 慵懶生物

更多資料:Lazy Creatures 慵懶生物

 

貓貓Café/寵物友善餐廳 ‧ 四 ︳Tuckshop by Social Club

 

餐廳位於西環西營盤干諾道西158A號地下4-7號舖,主打All Day Breakfast、漢堡、蛋料理同其他特色食物,仲有唔同款嘅咖啡,亦有賣咖啡豆。

 

開放時間:10:00 – 1800

 

更多資料:Tuckshop by Social Club

貓貓Café/寵物友善餐廳 ‧ 五 ︳Whiskers N Paws Café

 

位於香港鴨脷洲新海怡廣場10樓,主打西式素食主食,例如:意粉、漢堡同All Day Breakfast,健康又好味。佔地二萬呎,地方寬敞,夠哂活動空間。

 

開放時間:10:00 – 1800

 

Menu及更多資料:Whiskers N Paws Café

【 貓貓好去處|寵物staycation 】

因為疫情關係無得去旅行,唔少人都會選擇去酒店住返一、兩晚,當自己去左旅行。平時Vacation去旅行就要搵人幫手照顧住貓貓,喺香港Staycation就可以帶埋貓貓一齊去啦!其實香港都有唔少寵物友善酒店,大多會提供額外配套、服務或優惠。以下介紹幾間比較多人推薦嘅寵物友善酒店~

寵物友善酒店 ‧ 一 ︳香港麗思卡爾頓酒店 The Ritz-Carlton

香港麗思卡爾頓酒店位於九龍柯士甸道西1號環球貿易廣場,最平每晚$3799起。呢間酒店推出嘅「寵‧愛」住宿計劃,每間房可以容納最多兩隻寵物(20公斤以下)。佢地提供嘅客房都有維港海景,仲有唔同嘅寵物設施,例如:猫墊、尿墊同玩偶等,其他寵物嘅專屬服務就要先到先得。

 

預約/更多資訊查詢:The Ritz-Carlton

 

 

寵物友善酒店 ‧ 二 ︳香港瑰麗酒店 Rosewood Hong Kong

香港瑰麗酒店位於香港九龍尖沙咀梳士巴利道 18 號。客房就可以選擇山景或者海景比你揀,而每隻寵物要收$700 (+10%服務費),每間房最多容納兩隻寵物。呢間酒店同樣有提供貓用睡床、貓砂盆同迎賓小食等嘅寵物必需品,其他寵物專屬服務要額外收費。

預約/更多資訊查詢:Rosewood Hotel

參考資料:點擊

 

寵物友善酒店 ‧ 三 ︳香港W酒店 W Hong Kong

香港W酒店位於九龍柯士甸道西1號,寵物優惠只限由星期日到星期四(公眾假期及公眾假期前夕除外),其他日子入住就要每隻寵物收取$500,而每間客房只可入住一隻寵物(20kg以下)。呢間酒店同樣有提供寵物基本用品,例如:寵物食物、寵物睡床同貓砂盆等,其他寵物專屬服務要額外收費。

預約/更多資訊查詢:W Hong Kong

參考資料:點擊

 

 

【 貓貓好去處|寵物共享公園】

 

近年,康文署喺港島、九龍同新界唔同地方嘅公園都轉為寵物共享公園。雖然佢唔係專門設計比寵物用嘅公園,好多地方嘅寵物設施、配套可能未係好齊全,但係間唔中帶貓貓出門玩下,寵物共享公園都係一個唔錯嘅選擇。最大嘅優點就係寵物共享公園遍佈港九新界,帶貓貓去完貓貓Café或者寵物友善友善餐廳食完嘢,可以同佢地去同區嘅寵物共享公園行下。又或者直接帶埋貓貓去廣闊嘅公園、草地度野餐,享受下大自然嘅氣息。

 

寵物共享公園名單一覽 : 康文署 (寵物共享公園)

寵物共享公園|啟德空中花園

 

啟德空中花園嘅設計理念非常新穎、突出,結合咗機場、飛機嘅概念。除咗流線型同半月型嘅建築象徵機身同跑道之外,中間仲有好大嘅圓形草地,盡顯空間感,係一個非常出色嘅共享空間,亦好適合做一個寵物共享公園,帶埋貓貓一齊去參觀下都唔錯架。

 

資料來源:啟德空中花園 

寵物共享公園|中山紀念公園

 

中山紀念公園正中央擺放咗孫中山像,而周圍就係一大片嘅草地,正對住無邊無際嘅海景。空間面積頗大,趁住呢排天氣咁好,可以帶埋貓貓去享受下陽光放鬆下,或者野餐都可以架。

寵物共享公園|西九海濱長廊

圖片來源:西九海濱長廊

 

西九龍區係香港其中一個充滿藝術氣息嘅地方,而沿住西九海濱長廊有藝術花園係旁邊。同樣地,有一覽無際嘅海景,同廣闊嘅草地。附近仲有啲寵物友善餐廳,帶埋貓貓一齊去行下,欣賞下日落美景。

【 貓貓好去處|寵物工作坊 】

 

有冇諗過親手製造一啲同有關貓貓嘅飾品呢?坊間有唔少寵物工作坊係教整貓頸圈或者寵物窩,不過有啲主子可能會因為挑剔、唔習慣而得物無所用。不如整啲有自己貓貓特色嘅小飾物,就算唔帶出街,放喺屋企做擺設裝飾都得~

寵物毛髮|彩色漸變玻璃球工作坊

相信有唔少貓奴都會將貓貓寶貴嘅毛髮收起嚟好好保存,咁呢個寵物工作坊就非常適合你啦。將玻璃吹成中空嘅狀態,之後放入主子嘅毛毛製成嘅玻璃球,顏色漸變仲可以任你配搭。做出嚟嘅玻璃球可以做成耳環或者頸鍊,驚戴出街整唔見,放係屋企當擺設都好靚架。

預約查詢:Eventie 

寵物工作坊|玻璃掛飾工作坊

影相、畫畫係最常見用嚟紀錄、紀念貓貓嘅方法,但係太普通啦。為咗可以完美咁留低貓貓又得意,又呆萌嘅樣,一於突破平面嘅界限!將貓貓嘅樣做成嘅玻璃飾物,就算貓貓唔鐘意出街,照樣可以時時刻刻戴住佢地。呢個工作坊有專業人士從旁協助,唔使驚畫功、手功唔好會失敗架。

預約查詢:Eventie

【 貓貓好去處|貓貓藝術 】

北角匯 x CATCATION《Cat.Art.Metaverse》— NFT藝術館

 

嚟緊8月25號至10月9號,喺北角匯會舉行一個主題叫「貓咪宅度假」嘅NFT實體藝術館。到時會有好多得意趣緻嘅貓貓畫作,呈現出唔同感覺、形態嘅貓貓。而有部份畫作仲會進行立體化,主辦方歡迎大家喺唔同主題嘅畫作影相打卡,從而引起大眾愛護貓貓嘅意識。

 

更多詳情:Eventie

更多活動資訊

不要錯過最新資訊及優惠!

立即輸入您的Email,我們將第一時間通知您最新活動資訊,及限時優惠折扣!

Platform

使用指南

無論是客戶還是商戶都能夠|輕鬆上手

Eventie 101

了解平台特色及價值|解鎖所有功能

上架服務

簡單、透明的服務計劃|可隨時轉換或取消

成為Eventie會員

1分鐘內完成登記!