暑假限定!三大水上活動推介!

夏天一年比一年熱,每年呢個時候各區既水上活動中心、游泳池一定會逼爆人,再唔係就係報康文署水上活動訓練課程。今個暑假一於趁住疫情緩和、限聚令未收緊,去玩戶上嘅水上活動!今次推薦直立板、Wakeboard同Wakesurf呢三個水上活動比大家消一消暑~

水上活動推介.一|直立板(Stand Up Paddle, SUP)

 

直立板(SUP)結合咗手划槳同衝浪板,多數喺平面嘅水面度玩。

玩法就係用手上嘅直立板槳去控制方向,同埋學識點樣喺直立板上面平衡,有少少似獨木舟咁。

初學者一般會學跪姿先,掌握到竅門之後先慢慢企起身划槳。相對於其他水上活動,直立板嘅體能要求無咁高,好推薦大家報讀一個直立板初級課程體驗一下!

有興趣嘅朋友可以睇下呢條簡單介紹直立板嘅影片!

 

(資料來源:U Magazine HK Offical

 

直立板初級課程有分唔同地點、時間(平日或假日)、人數(私人或團體),大家可以因應唔同嘅需求選擇啱心水嘅課程。推薦大家報讀由香港衝浪及直立板總會派發證書嘅課程,因為有咗呢張證書就可以參加其他直立板嘅唔同水上活動,例如:直立板生態遊同直立板瑜伽。

 

    報讀咗課程嘅朋友記得睇清楚需要帶備嘅物品同裝束,例如:食水、包實腳指、腳跟嘅水上活動鞋、太陽眼鏡、太陽帽等等。千萬記得唔好著拖鞋,同埋搽好防曬同蚊怕水。

 

直立板課程介紹如下:

 

香港衝浪及直立板總會

 

***有專業教練、直立板基本裝備提供***

(地點:西貢沙下,團體課:$500、私人課:$800)

 

藍天體育會

 

***有專業教練、直立板基本裝備提供***

(地點:西貢沙下、企嶺下,價錢:$550至 $890)

水上活動推介.二|Wakeboard / Wakeboarding(有繩滑水 / 水上滑板)

    啱啱介紹完一個靜態啲嘅水上活動之後,想要刺激啲、挑戰性高啲嘅朋友就可以試下Wakeboard啦! Wakeboard(滑水)嘅玩法就係前方有高速行駛嘅快艇拉動,而自己就著住同Wakeboard 相連住嘅鞋,拉實綁住快艇嘅纜繩同所製造嘅波浪喺水上面滑行。對比起直立板,Wakeboard 所需嘅體能就大好多,技巧亦都比較難掌握。

 

    Wakeboard 初學者首先要學識點樣係快艇拖行嘅時侯喺水面上企起身,非常講求身體平衡,同埋點樣穩住重心,稍微往前或者往後都好容易起滑失敗。起身成功之後就要學點樣喺高速行駛下保持滑水嘅姿態同轉方向,再高階少少嘅wakeboard當然係玩埋高難度花式啦。

有興趣嘅朋友可以睇下呢條wakeboard起水教學影片先!

(資料來源:嘻嘻哈哈滑水學校

 

Wakeboard課程介紹如下:

 

3RideHK

***有專業教練、快艇、滑水保險及基本裝備提供***

地點:大埔三門仔

詳細資訊須聯絡3RideHK

 

藍天體育會

***有專業教練、快艇、滑水基本裝備提供***

地點:西貢沙下

價錢:$2700,2小時( 2-5人)

水上活動推介.三|Wakesurf / Wakesurfing(無繩滑水)

 

Wakesurf(無繩滑水)同Wakeboard其實係大同小異嘅水上活動,而wakesurf 比wakeboard 更加有挑戰性同有趣。

一開始wakesurf嘅起水動作同wakeboard係一樣嘅,等身體可以平衡到同控制到滑板之後,就可以鬆開條繩,藉住快艇行駛造成嘅浪,只要識得捉住個推動點就可以不斷咁喺水面上滑行。

 

    Wakesurf算係近年喺香港都叫熱門嘅水上活動,唔少人都會玩Wakesurf打返個卡。因為Wakesurf嘅時候,你同快艇只有大概2-3米嘅距離,影到靚相之餘,又方便同教練或者朋友交流。

有興趣嘅朋友可以睇下呢條片,由陳瀅教你玩wakesurf!

(資料來源:Cosmopolitan HK

Wakesurf課程介紹如下:

 

3RideHK

***有專業教練、快艇、滑水保險及基本裝備提供***

地點:大埔三門仔

詳細資訊須聯絡3RideHK

 

Klook

***有專業教練、快艇、及基本裝備提供***

地點:淺水灣或西貢出發

價格:$2200-$3200

除咗以上啱啱提及過嘅課程之外,如果想自由度大啲嘅話,亦有好多唔同嘅平台可以自己租船、教練出發去玩Wakeboard 同Wakesurf。

而直立板可以自己買齊裝備去適合嘅海域自己玩。不過最重要都係做足安全措施,著齊裝備,注意安全,玩嘅時候要量力而為!

 

 

直立板、Wakeboard 同Wakesurf 呢啲水上活動多數都係1至6人玩,想一大班朋友出海放鬆多數都會選擇游船河、開船P。

想知道遊艇資訊嘅朋友可以睇呢個網站嘅另一篇介紹!入面有五個租遊艇、船P嘅資訊,例如:遊艇價錢、船上設施同提供嘅水上活動等等。

更多活動資訊

不要錯過最新資訊及優惠!

立即輸入您的Email,我們將第一時間通知您最新活動資訊,及限時優惠折扣!

Platform

使用指南

無論是客戶還是商戶都能夠|輕鬆上手

Eventie 101

了解平台特色及價值|解鎖所有功能

上架服務

簡單、透明的服務計劃|可隨時轉換或取消

成為Eventie會員

1分鐘內完成登記!