如何成為咖啡師？五大咖啡課程推介
身處香港呢個繁忙嘅大都市，唔少人都選擇喺假日或者空閒時間去啲隱世小店放鬆一下。例如近期文青咖啡店林立，簡潔嘅裝潢營造出小清新嘅氛圍，配上柔和嘅音樂，無論睇書定閒聊都一流。講起咖啡店，唔知大家有無諗過喺一個咁寫意、舒服嘅環境下做咖啡師呢？到底成為咖啡師要具備咩條件？香港又有咩咖啡課程適合想入行咖啡師既人？
咖啡課程（Barista Course）學啲咩？
喺推介五個咖啡課程之前，首先同大家簡單講下學沖咖啡嘅流程。好多人認為咖啡只係提神飲品，但其實同好多行業一樣，沖咖啡係一門手藝。
如果有興趣咖啡師入行，但又無研究開咖啡嘅朋友，建議可以報讀一個咖啡入門課程，掌握咖啡同沖咖啡嘅基本知識。大部份嘅咖啡課程內容相約，除咗有導師講解咖啡知識之外，亦會提供實習機會。
一開始會介紹咖啡嘅歷史背景，之後會講解咖啡豆嘅產地、生豆嘅處理，以及烘焙技巧。呢三方面嘅知識可以話係咖啡嘅根基，尤其咖啡烘焙係決定一杯咖啡風味嘅關鍵因素。
然後，會介紹各類嘅咖啡調配或者沖煮方法，例如：意式濃縮咖啡（Espresso）、拿鐵咖啡（Caffe Latte）同泡沫咖啡（Cappuccino）等。
最後就係有實習既部份，可以接觸到咖啡機同磨豆機嘅用法，以及咖啡拉花嘅技巧。真真正正學沖咖啡！
五大咖啡課程
以下會介紹五個香港咖啡課程（或稱咖啡調配師課程），喺報名之前記得留意開班時間同收費！
一‧咖啡調製員基礎證書 (ERB課程)
機構：青年會專業書院 (YMCA College of Careers)
課程內容：咖啡的基本知識，沖煮咖啡的工具及材料，不同沖煮咖啡的技巧，半自動咖啡機的操作及花式咖啡的調製，咖啡店的運作及咖啡調製員的角色，奶茶沖製方法，其他飲品沖製技巧，實地工作環境體驗，個人素養及求職技巧。
費用：全免
完成咖啡課程後有認可證書，詳細內容可到以下網站查詢。
官方網址：點擊這裹
二‧咖啡調製員基礎證書 (ERB課程)
機構：港專職業訓練學院
課程內容：課程為咖啡的基本知識、咖啡沖煮與調製的方法及技巧、半自動咖啡機的操作、花式咖啡的調製、咖啡店的運作及咖啡調製員的角色、奶茶沖製方法、其他飲品沖製技巧。
費用：全免 (出席率須達6成)
完成咖啡課程後，出席率達75%或以上可獲認可證書，詳細內容可到以下網站查詢。
官方網址：點擊這裹
三‧咖啡師培訓證書課程
機構：香港青年協會‧持續進修中心 (The HongKong Federation of Youth Groups)
課程內容：課程為咖啡愛好者或有意投身咖啡行業人士提供專業知識，內容涵蓋咖啡生豆處理、烘焙、調配及沖煮等。課堂強調提供實踐及體驗機會，使學員能掌握實務咖啡沖煮技巧，提升對咖啡行業的認識。
費用：$3200
完成咖啡課程後，出席率達75%或以上可獲認可證書，詳細內容可到以下網站查詢。
官方網址：點擊這裹
四‧國際咖啡調配師技巧證書課程 (City & Guilds International Awards in Barista Skills)
機構：City and Guilds
課程內容：咖啡歷史文化介紹、咖啡的知識例如分辯不同產地的咖啡豆、如何選擇優質咖啡等等、咖啡調配過程以及各種類別的咖啡沖煮方法，當中包括調配、沖煮Espresso濃縮咖啡的標準、蒸餾及過濾式咖啡、奶泡咖啡Cappuccino & Latte 拉花製作技巧及實習和了解冰咖啡的製作方法。其他特色食品包括：熱朱古力、英式紅茶、沙冰。食物、物品處理及儲藏方法。最後有實習試，幫助學員達到及獲取證書的目的。
費用：$5000
詳細內容可到以下網站查詢。
官方網址：點擊這裹
五‧咖啡知識及調製 – 初級課程
機構：香港品酒師及調酒師培訓學院 (Hong Kong Sommelier & Bartender Training College)
課程內容：本課程為會從基礎開始，會讓學員了解咖啡歷史文化，亦會學懂操作半自動咖啡機外和製作各款咖啡的特色飲料。
費用：$940
完成課程後可獲學院專業證書，詳細內容可到以下網站查詢。
官方網址：點擊這裹
咖啡師之路
讀完一個入門嘅咖啡課程，僅僅只係掌握到最表面嘅知識，得到見工最低要求嘅咖啡課程證書。正如先前所講，沖咖啡喺一門手藝，最重要係累積經驗、用心鑽研。由選擇邊款咖啡豆、磨粉粗幼、沖咖啡嘅手勢等，要不停重覆練習、嘗試，先可以步向成為咖啡師。好多咖啡師都要由咖啡學徒做起，跟隨有豐富經驗嘅咖啡師一步一步咁學習。另一方面，無咖啡師證書嘅人亦可以入行做咖啡師。想入行嘅朋友可以留意唔同平台嘅招聘資訊，部份店舖都會聘請無經驗人士做兼職，或者咖啡學徒。只要你願意由低做起，慢慢從基本學起、多加練習，一樣可以做到咖啡師。
最後，咖啡師嘅工作其實唔只沖咖啡咁簡單，同時要處理店鋪嘅日常大小事務。不論係店面嘅清潔、收銀、對客都同咖啡師息息相關。畢竟係服務業，最重要係保持熱誠，同客人多啲溝通，從佢地嘅意見去精進沖咖啡嘅手藝。
更多活動資訊
其他人正在瀏覽
不要錯過最新資訊及優惠！
立即輸入您的Email，我們將第一時間通知您最新活動資訊，及限時優惠折扣！
